Бұл туралы облыстық Полиция департаментінің баспасөз қызметіне сілтеме жасай отырып Elitar.kz хабарлайды.
Криминалдық полиция басқармасының қызметкерлері құрамында алтыны бар кен іздеумен және өз бетінше жинаумен айналысқан екі топты қолға түсірді. Ұсталған топтың бірінде үш адам, екіншісінде төрт адам болған. Олардың Жамбыл ауданының таулы жерлерінде заңсыз әрекетке барғаны анықталды.
"Алтын іздеушілердің үш автокөлігінде жұмысқа қажетті барлық құрал-сайман болған. Полиция қызметкерлері құрал-жабдықтармен бірге алтыны бар кен тастары салынған төрт қапты тәркіледі. Аталған дерекке қатысты Қылмыстық кодекстің 334-бабы 1-бөлігімен («Жер қойнауын өз бетімен пайдалану») сотқа дейінгі тергеу амалдары басталды» делінген ведомство мәліметінде.
