Түркістан облысында Ақсу өзенінен мәйіті табылған әйелдің қалай көз жұмғаны белгілі болды. Бұл туралы облыстық Полиция департаментіндегілер хабарлады. Естеріңізге сала кетейік, 10 қазан күні Төлеби ауданының полиция бөліміне Ақсу өзенінде мәйіттің табылғаны туралы хабарлама келіп түскен болатын.
«Жедел-іздестіру іс-шаралары барысында осы қылмысты жасады деген күдікпен жәбірленушінің көршісі болған Төлеби ауданының тұрғынын ұсталды. Белгілі болғандай, ақшалай қарыз қылмысқа себеп болған. Қарызды қайтармау үшін күдікті көршісінен құтылуға шешім қабылдап, алдау арқылы жәбірленушіні Ақсу өзеніне апарған. Кейін жартастан итеріп жіберген. Алған жарақаттарынан әйел қылмыс орнында қайтыс болған»,-деді Полиция департаментідегілер.
