Президент сайлауындағы жеңісімен Қасым –Жомарт Тоқаевты Қырғыз Республикасының Президенті Сооронбай Жээнбеков пен Өзбекстан Республикасының Президенті Шавкат Мирзиеев құттықтады, деп хабарлайды Ақорда.
Қырғыз Республикасының Президенті Сооронбай Жээнбеков Қасым-Жомарт Тоқаевты президенттік сайлаудағы жеңісімен құттықтады. Тараптар екі ел халықтарының тату көршілік пен достығына негізделген қазақ-қырғыз қарым-қатынастарын одан әрі нығайту ниетін барын айтты.
Сондай-ақ
Қасым-Жомарт Тоқаевты Өзбекстан
Республикасының Президенті Шавкат
Мирзиеев Қазақстан Республикасы
Президентінің сайлауындағы жеңісімен
құттықтады. Қасым-Жомарт Тоқаев
сұхбаттасушыға жылы лебіздері үшін
алғысын білдіріп, Елбасы Нұрсұлтан
Назарбаевтың бауырлас елдердің
ынтымақтастығын жан-жақты және қарқынды
ілгерілетудегі саясатын жалғастыруға
бағытталғанын атап өтті. Мемлекет
басшылары ағымдағы жылдың 14-15 сәуірінде
Қасым-Жомарт Тоқаевтың Өзбекстанға
жасаған мемлекеттік сапарының қорытындысы
бойынша қол жеткізілген уағдаластықтарды
тиімді іске асыру қазақ-өзбек
қарым-қатынастарын дамытуға қосымша
серпін беретініне сенім білдірді.
Сонымен қатар, Қасым-Жомарт Тоқаевты
Тәжікстан президенті Эмомали Рахмон
президенттік сайлаудағы жеңісімен
құттықтады. Мемлекет басшылары
Қазақстан-тәжік стратегиялық әріптестігінің
одан әрі қарқынды дамуына сенім білдірді.
Тараптар сондай-ақ алдағы кездесулердің
кестесін талқылады.
