Бүгін Мәжілістің Экология және табиғатты пайдалану мәселелері жөніндегі Комитетінің отырысы өтіп, онда Энергетика министрі лауазымына тағайындау үшін Қанат Бозымбаевтың кандидатурасы келісілді. Бұл туралы Парламент мәжілісінің баспасөз қызметіне сілтеме жасап Elitar.kz хабарлайды.
"Осы мәселе комитеттің отырысында "Қазақстан Республикасының Парламенті және оның депутаттарының мәртебесі туралы"Қазақстан Республикасы Конституциялық Заңының 22-1-бабына сәйкес қаралды. Қазақстан Премьер-Министрінің тапсырмасы бойынша кандидатураны Премьер-Министр Кеңсесінің Басшысы Нұрлан Алдабергенов таныстырды. Мәжіліс комитетінің мүшелері кандидатқа бірқатар сұрақтар қойды. Талқылаудан кейін Энергетика министрі лауазымына тағайындау үшін Қанат Алдабергенұлы Бозымбаев ұсынылған кандидатураны ұсыну мүмкіндігі туралы қорытынды қабылданды" делінген хабарламада.
