Қасым-Жомарт Тоқаевтың штабына Роза Рымбаева, Алтынай Жорабаева, Майра Мұхамедқызы, Мейрамбек Беспаев, Самал Еслямова сынды эстрада жұлдыздары енді.
Мәулен
Әшімбаевтың айтуынша, ҚР Президенттігіне
үміткер Қасым-Жомарт Тоқаевтың
Республикалық қоғамдық штабының негізін
мәдениет және өнер, ғылым және білім
саласының көрнекті қайраткерлері, зиялы
қауым өкілдері, үкіметтік емес ұйымдар,
кәсіпкерлер, спортшылар, сондай-ақ ҚР
Парламентінің депутаттары, партия
ардагерлері мен оның басшылығы құрады.
"Штабқа кірген адамдардың есімдерін атағым келеді. Штаб жұмысына халықаралық жарыстарда ел намысын қорғаған атақты спортшылар Жақсылық Үшкемпіров, Александр Винокуров, Айбек Нұғымаров, Зульфия Ғабидуллина, Әлия Юсупова, Қанат Ислам және Динара Сәдуақасова кіреді. ҮЕҰ өкілдері - Аружан Саин, Динара Чайжунусова, Динара Закиева, Вера Ким және басқа да әріптестер РҚШ құрамында жұмыс істеуге келісім берді. Штабқа еліміздің әр тұрғынына шығармашылығымен таныс әртістер кірді. Роза Рымбаева, Алтынай Жорабаева, Майра Мұхамедқызы, Мейрамбек Беспаев, Самал Еслямова, Сәкен Майғазиев, Қыдырәлі Болманов, Тамара Асар және басқа да елімізге танымал әртістер", - деді Мәулен Әшімбаев.
Ел бойынша
барлығы 17 өңірлік және 210 қалалық және
аудандық қоғамдық штаб өз қызметін
жүзеге асыратын болады, онда 6 мыңға
жуық адам жұмыс істейтін болады.
Кандидаттың 19,5 мыңға жуық сенімді
тұлғасы анықталды.
