20 наурыз, 11:00
Президенттің міндетін атқарушы қызметіне кірісетін Парламент Сенатының төрағасы Қасым-Жомарт Тоқаев бүгін сағат 12:00-де Қазақстан халқына ант береді.
Айта кетейік, Қазақстанның Тұңғыш Президенті Нұрсұлтан Назарбаев 19 наурыз күні өз өкілеттігін тоқтататыны туралы мәлімдеді. 20 наурыздан, яғни, бүгіннен бастап ҚР Президенті міндетін Қасым-Жомарт Тоқаев атқарады.
"ҚР Конституциясының 48-бабының 1-тармағына сәйкес ҚР Президентінің өкілеттілігі ҚР Парламенті Сенатының төрағасына Қазақстан халқына ант берген сәттен өтеді. ҚР Конституциясының 42-бабының 2-тармағына сәйкес ҚР Орталық сайлау комиссияның келісімімен ҚР Президенті лауазымын атқарушы ҚР Парламенті палаталарының біріккен отырысында 2019 жылдың 20 наурызы күні сағат 12-де Қазақстан халқына ант береді", - делінген Мемлекет басшысы Н.Назарбаевтың "ҚР Президентінің өкілеттілігін атқару туралы" Жарлығында.
