Қазақстан Республикасы Президенті Әкімшілігінің келісімімен және Түркістан облысының әкімі Өмірзақ Шөкеевтің өкімімен Түркістан облысы әкімінің орынбасары болып Мейіржан Иябайұлы Мырзалиев тағайындалды.
Мейіржан Иябайұлы 1980 жылы туған.
Жоғары білімді. Қазақ Мемлекеттік Заң Университетін (заңгер), Ломоносов атындағы Мәскеу Мемлекеттік Университетін (экономист), ҚР Президенті жанындағы Мемлекеттік басқару Академиясын, Дьюк Университетін (АҚШ, Дарем 2014-2016) бітірген.
Еңбек жолын Алматы қаласы әкімдігінен бастаған. Әкімдікке қарасты құрылыс басқармасында бас маман, заң және әкімшілік бөлімінің басшысы болған.
Кейінірек Индустриалдық-инновациялық даму бөлімінің бас сарапшысы (2008-2009); Бизнес-орта және инновация секторының меңгерушісі (2009-2011); Мемлекеттік реттеу секторының меңгерушісі (2011-2013) қызметтерін атқарған. Одан өзге Премьер-министрдің бірінші орынбасарының кеңесшісі (2016), Премьер-министрдің кеңесшісі (2017) болған. Ал жаңа қызметке келгенге дейін Қостанай облысы әкімінің орынбасары лауазымында отырды.
