25 ақпан күні Парламент Сенатының депутаттары Ерболат Досаевтың Қазақстанның Ұлттық банкінің төрағасы лауазымына үміткерлігін мақұлдады. Біз Досаев мырзаның қызметтік жолына шолу жасап көрелік.
«Параграф» АЖ-да жарияланған мәліметтерге сәйкес, Досаев мырзаның екі жоғары білімі бар: ол Алматы энергетикалық институтын (1993), сондай-ақ, Бауман атындағы Мәскеу мемлекеттік техникалық университетін электронды техниканың инженері мамандығы бойынша тәмамдаған.
Еңбек жолын 1993 жылы «Искер» МНПП менеджері болып бастады (1993-1994). Содан кейін – «Вега» МП директорының орынбасары (1994); заместителем директора, «Фирма «Акцепт» ЖШС директорының орынбасары, директоры (1994-1996); «Корпорация «Акцепт» ЖТАҚ директоры, бірінші вице-президенті, бас директоры (1996-1997); «Банк Тұран-Әлем» ЖАҚ басқармасы төрағасының орынбасары (02.1997-08.1997); «Алматы сауда-қаржы банкі» ЖАҚ басқармасының төрағасы (08.1997-03.1998); Қазақстан Республикасы Премьер-министрінің кеңесшісі (03.1998-07.1998); Қазақстан Республикасының құнды қағаздар бойынша Ұлттық комиссиясының мүшесі (12.1999-07.2001); ҚР энергетика, индустрия және сауда вице-министрі (07.1998-02.2000); ҚР қаржы вице-министрі (02.2000-11.2001); ҚР табиғи монополияларды реттеу, бәсекелестікті қорғау және шағын бизнесті қолдау Агенттігінің төрағасы (11.2011-08.2002); ҚР табиғи монополияларды реттеу, бәсекелестікті қорғау Агенттігінің төрағасы (09.2002-06.2003); ҚР қаржы министрі, Европалық Қайта құру және Даму банкінің Қазақстандағы басқарушысы (06.2003-04.2004); ҚР денсаулық сақтау министрі (04.2004-09.2006); ҚР экономикалық даму және сауда министрі (09.2012-01.2013); ҚР экономика және бюджеттік жоспарлау министрі (16.01.2013-06.08.2014; 04.04.2014 ж бастап қайта тағайындалған); ҚР ұлттық экономика министрі (06.08.2014 ж бастап; 30.04.2015 ж бастап қайта тағайындалған - 06.05.2016); «Бәйтерек» Ұлттық басқарушы холдингі» АҚ басқармасының төрағасы (05.2016, 11.07.2016 ж бастап қайта сайланған - 08.2017); ҚР Премьер-министрінің орныбасары (29.08.2017ж бастап).
Досаев Денсаулық сақтау министрі болып тұрғанда ауруханаларда балалардың жаппай ВИЧ індетіне шалдығуы орын алды.
2005 жылы Оңтүстік Қазақстан облысында жаңа туған нәрестелер ауруханада жаппай ВИЧ-індетіне шалдықты. Бірақ, нағыз дау-жанжал бұл туралы сәбилердің аналары келесі жылы білгенде бір-ақ шықты. Анық болғаны, емізулі сәбилерге 94 донордың қаны мен плазмасын құйған. Тексерілген 88 донор сау болып шықты. Қалған алтауы туралы ешқандай мәлімет белгісіз. Арнайы құрылған комиссия донорлық процестегі былықты анықтады. Журналистер Қан құю орталығының қызметкерлері Шымкеттегі қаңғыбас адамдардан мардымсыз ақыға қан алып, оның тарифтік бағасының айырмасын өздерінің қалтасына басқаны туралы сұмдық мәліметті анықтады. 1,5 жылда 133 баланың ВИЧ-індетін жұқтырғаны анықталып, 9-ы көз жұмды. Біреуін шетелдіктер асырап алды. Бұған қоса ВИЧ-індеті бар 17 ана анықталды. Жаппай індет жұқтыру ісі бойынша 25 адам сотталды. Олардың 16-сы түрмеге қамалды, жуырда көбісі бостандыққа шығады. ҚР денсаулық сақтау министрі Ерболат Досаев, ОҚО әкімі Болат Жылқышиев пен ҚР Денсаулық сақтау министрлігінің медициналық қызметтердің сапасын бақылау комитетінің төрағасы Уәлихан Ахметов қызметтерін босатылды.
Дегенмен, медициналық білімі жоқ адамның осы министрлікті қалай басқарғаны белгісіз. Сол уақытта денсаулық сақтау министрлігіне менеджер қажет болды ма? Мұның соңы немен аяқталғаны баршамызға белгілі.
2014 жылы Ерболат Досаев Forbes журналының рейтингі бойынша (2014 жылдың мамыр айы) Қазақстандағы ең қалталы 50 адамның қатарына енді. Басқаша айтқанда, экономика және бюджеттік жоспарлау министрі болып жүргенде Lancaster Group 25% үлесіне және Қазинвестбанктің 17,8% үлесіне иелік етті.
«Байлық салығын» да ұсынған сол болатын – бүгінде біз иелігіміздегі автокөлік пен үйге төлейетін салық.
Министр мырза ауыз суды да байлыққа теңеді. Оның пікірінше, қазақстандықтар сапалы ауыз суды тұтынғанға аз төлеп жүр. Енді коммуналды қызметтер түбіртегінде бұл төлемнің өзінің заңды (министрдің пікірінше) орны бар.
Ол тек жер мәселесіне қатысты митингтер кезінде сәтсіздікке ұшырады. Ерболат Досаев «Қоғамда орын алған жағдай мен барлық талқылауды ескере отырып, сізден, Нұрсұлтан Әбішұлы, мені ұлттық экономика министрі лауазымынан босатуыңызды сұраймын», - деп Президенттен сұран еді. Мемлекет басшысы отставканы қабылдады.
Және соңғысы, Досаевтың кезінде біздің ұлттық валютамыз еркін айналымға кетті.
Осыншама атағы бар министр өзін білікті қаржы маманы ретінде таныта алар ма?
