Дариға Назарбаева депутаттар арасында жасырын дауыс беру жолымен сенат спикері болып сайланды. Дауыс беруге қатысқан 44 депутаттың барлығы Назарбаеваның кандидатурасын бірауыздан қолдады.
Айта кетейік, Дариға Назарбаева бұған дейін Сенаттың халықаралық істер, қорғаныс және қауіпсіздік комитетін басқарған болатын. Ал Сенаттың бұған дейін спикері болып келген Қасым-Жомарт Тоқаев бүгін Қазақстан президенті қызметіне кірісті.
