Шымкент әкімі әлеуметтік желілерде жол сапасын жақсарту бойынша үшінші мегаполисте жүргізіліп жатқан жұмыстар туралы айтып берді.
"Өтегенов көшесінің 1-кезеңі “Шымкент Сити” шағын ауданынан Сырым батыр көшесі аралығын қамтиды. Көшенің жалпы ұзындығы 1205 шақырым, ені - 28 шақырым. Жолдың жүріс бөлігі 4 жолақты. Аталған нысан бойынша алдымен автомобиль жолына жер негізін жасау және тығыздау жұмыстары атқарылды. Қазіргі таңда, асфальт жабындысының 2-ші қабатын төсеу жұмыстары жүргізілуде. Өтегенов көшесі жалғасының ІІ кезеңі Сырым батыр көшесі мен Төлеметов көшелері аралығы қамтылған", - деді қала әкімі.
"Жұмыс барысында ені 80 метр төрт және алты жолақты автомагистраль қаралған. Сондай-ақ, жаяу жүргіншілер жолы мен веложолдар салынады. Қазір Арғынбеков көшесіндегі тіреу қабырғаларын орнату және Бәйдібек би даңғылындағы көпір өткелі құрылымының негізі қаланып жатыр. Сонымен қатар, темірбетонды тіреу конструкцияларын салу жұмыстары жүргізілуде", - деп толықтырды Мұрат Әйтенов.
«Шығыс» айналма жолының құрылысы өткен жылы басталды. Бірінші кезеңде ұзындығы 3,9 км, ені 60 метр, №1 автожолдан әл-Фараби көшесіне дейінгі төрт жолақты жол түседі. Қазіргі уақытта негізгі жұмыстары толығымен аяқталды. Сонымен қатар, асфальт төсеу жұмыстары жүргізілуде. Жоспарға сәйкес жұмыстың 75% орындалды. Құрылыс 2023 жылдың 1 тоқсанында толық аяқталады", - деп жазды әкім.
