25 ақпан, 13:00
Бұл туралы Ақорданың баспасөз қызметі хабарлады.
Ал бұл туралы саясаттанушы Талғат Қалиев не ойлайтыны туралы өзінің телеграм-каналында жазады.
"...Астана қаласының 53 жастағы тумасы тәжірибелі, қатал әрі тиімді басқарушы ретінде танылған, шаруашылықты және экономиканы шұғыл басқаруда, нақты нәтижеге жетуге жұмылдыруда тәжірибесі мол. Ол тәжірибесін Астана әкімі, көлік және коммуникация министрі, "Қазақстан теміржолы" ҰҚ" АҚ жетекшісі бола жүріп жинады.
Классикалық технократ ретінде мінездеме берілген. Целиноград инженерлі-құрылыс университетінің және Плеханов атындағы Ресей экономикалық университеттерін тәмамдаған, тиісінше, инженер-құрылысшы және экономист біліктілігі бар. Ал зияткерлік сипаты ретінде физика-математикалық мектеп пен қазақ және ағылшын тілдерін жақсы білетінін айтуға болады.
Асқар Маминнің тұлғасы саяси ортада жағымсыз тұсынан танылмаған, дау-дамай мен қандай да бір топтардың мүддесін қорғауға араласпаған. Яғни, біршама ерік-жігер мен саяси прагматизмі бар деуге болады.
Дегенмен, ең басты актив ретінде Нұрсұлтан Назарбаевтың сенімін айтуға болады. Президент әр жиында маңызды мәселелер бойынша бірінші вице-премьерден тікелей сұрап отырады. Осылайша Маминнің біліктілігіне сенім білдіреді.
... Дегенмен, он бірінші Кабинеттің өзіне қатысты сұрақтар туындайды. Оған бірқатар министерлер, әсіресе, соңғы уақытта сынға ұшыраған экономикалық блоктың министрлері кірмеуі мүмкін. Бәс тігеміз бе?"
Автор:
Elitar.kz
