Қайрат Нұртас Шымкенттегі ерекше балаға көлік сыйға тартты. Қазақстандық әнші Қайрат Нұртас Төлеби ауданы Тасарық ауылындағы оңалту орталығының 10 жылдығына қатысып, балалардың көңілін көтерді. "Шымкент Добряки" еріктілері баланың арманын орындап, оған сүйікті кумирімен кездесу ұйымдастырды. Қайсар ата-анасының қамқорлығынсыз қалған балалардың бірі. Ол туа біткен ауруына қарамастан, сурет салуды жақсы көреді. Сонымен қатар, қолөнер жасауды ұнатады. Еш мойымай жұмысты аяқтарымен шебер орындайды.
"Бұл жоба ата - анасының қамқорлығынсыз қалған мүмкіндігі шектеулі балаларға арналған. Біздің мақсатымыз-балаларға өмірден өз орындарын табуға көмектесу. Әрбір бала бақытты балалық шаққа құқылы. Сонымен қатар, біз барлығына мүмкіндігі шектеулі болғанына қарамастан, қоғамда өзге жандар секілді тең дәрежеде өмір сүруге үйретеміз. Бұл жобаның барлық қатысушылары-Тасарық ауылында орналасқан оңалту орталығынан. Жобаның өзі 20 қарашаға дейін жалғасады. Мүмкін біз бұл жобаны келесі жылы қайтажан қолға аламыз ", - дейді еріктілер.
"Мүгедектік-бұл үкім емес, бұл рухты күшейтуге себеп! Бүкіл әлемге дәлелдеңіз! Сіз батырсыз, ал қалғанының бәрі қауесет!",- дейді белсенділер.
"Әр дүйсенбі, бейсенбі және сенбі сайын біз әр бала мен оның арманы туралы бейнероликтер көрсетеміз. Барлығы 11 ролик болды. Бұл балаларға біздің көмегіміз қажет. Әрбір бала бақытты болуға лайықты. Сізде өз үлесіңізді қосыңыз», - дейді еріктілер.
