22 қараша, 06:35
Шымкентте Ұлттық мереке - Республика күніне орай кәсіподақтар орталығында салтанатты жиын өтті. Мерекелік шара барысында шырайлы шымқаланың күнделікті өмір тіршілігіне, медицина, білім, мәдениет, спорт, қала тірішілігін қамтамасыз ету, құрылыс деген сияқты әр түрлі салаларда қызмет етіп жүрген белсенді кәсіподақ мүшелері ұлықталды.
Салтанатты мерекелік іс-шараға «Шымкент қаласы кәсіподақтар орталығы» аумақтық
кәсіподақтар бірлестігі төрағасының орынбасары Жарқынбек Құрманбек, салалық кәсіподақтардың төрағалары мен кәсіподақ мүшелері қатысты.
Мерекелі жиында «Шымкент қаласы кәсіподақтар орталығы» аумақтық кәсіподақтар бірлестігі төрағасының орынбасары Жарқынбек Құрманбек барлық қызметкерлерге кәсібилігі үшін алғыс айтып, кәсіподақ мүшелерін Шымкент қаласы әкімінің Алғыс хатымен марапаттады.
Мереке қарсаңында кәсіподақ қозғалысына үлес қосып, өз саласында белсенді қызмет етіп жүрген 10 азаматтың еңбегі еленді. Алғыс құрметке ие болғандар Шымкент қаласының дене шынықтыру және спорт басқармасының бөлім басшысы, бастауыш кәсіподақ ұйымының төрағасы Әбдіқалықов Шоқан Шырынханұлы, Шымкент қаласының цифрландыру басқармасының әдіскері, бастауыш кәсіподақ ұйымының төрайымы Алдиярова Айгерім Хамитбекқызы, Шымкент қаласының орталықтандырылған көпшілік кітапханалар жүйесінің кәсіподақ төрайымы Сұлтанбек Раушан Тастанқызы, «Су құбыры және канализация» басқармасы» МКК бас инженері Нысанбаев Нұралы Талапбекұлы, «№88 жалпы білім беретін орта мектебі» КММ мұғалімі Медетова Фарида Турарбековна, «Орталық Азия инновациялық университеті» Қазақстан тарихы және жаратылыстану ғылыми пəндері кафедрасының меңгерушісі Бердалиева Акмарал Макуловна, «Оңтүстік Қазақстан профсервисі» ЖШС бас есепшісі Абуова Гүлжанар Қойшыбайқызы, «Шымкентдорстрой» ЖШС, ЖБИ цехының басшысы Искакова Гульнара Кошкинбаевна, «МҰРАТ-ДАНТИСТ» ЖШС клиника басшысы Баяхатова Роза Тоқтарқызы, «Shymkent Bus» Басқарушы компаниясы» ЖШС, директор орынбасары, бастауыш кәсіподақ төрағасы Абдраш Аль-Фараби Маратұлы.
Осылайша, нағыз ұлт үшін қызмет етіп жүрген жандар құрмет пен қошеметке бөленіп, кәсіподақ тарапынан ұлықталды.
