Мемлекет басшысының тапсырмасына сәйкес, халық пен әкімдіктің арасында кері байланысты жақсарту үшін Әл-Фараби ауданында ай сайын тұрғындармен кездесу тұрақты түрде ұйымдастырылып келеді.
Бүгін кезекті кездесу 3 және 4 сектор атап айтқанда, Ескі қалашық, Дулати, Қазыбек би, Байтұрсынов, Тәуке хан, Қонаев, Желтоқсан көшелері тұрғындарымен өтті. Ең алдымен аудан әкімі Рашид Мыңбаев аталған секторларда атқарылған жұмыстар бойынша қысқаша баяндап өтті.
– Мұнда инфрақұрылым мәселесі толық шешімін тапқан, электр жарығы, ауыз сумен және табиғи газбен 100 пайыз қамтылған. Кәріз жүйесі 95 пайызды құрайды. Биыл «Халық қатысатын бюджет» бағдарламасы аясында 15 балалар ойын алаңшасы салынды. Сондай-ақ, 1 спорт алаңшасына ағымдағы жөндеу жұмыстары жүргізілді,-деді аудан әкімі.
Ағымдағы жылы 4 көшеге асфальт төселді.
Жүздесуде тұрғындар Рашид Мамытұлына Қонаев жолайрығының құрылысы, кәріз жүйесі, көшені жарықтандыру, асфальт төсеуге қатысты сауалдарын қойып, жауап алды.
Естеріңізге сала кетейік, Шымкент қаласы әкімінің Әл-Фараби ауданы халқымен кездесуі кезінде, аудан әкімі Рашин Мыңбаев аудандағы жұмыстар жайлы былай деген еді:
«Ауданға биыл 32 млдр. теңге қаржы тартылып отыр. Биыл ауыз сумен қамту 2 есеге өсіп отыр. Ал электр жарығымене қамту 2 есеге, газбен қамту 10 есе асып отыр. Абаттандыру саласын қаржыландыру 4 пайызға өсіп отыр»,- деді Шымкент қаласы Әл-Фараби ауданының әкімі Рашид Мыңбаев.
Айта кетейік, Әл-Фараби - Шымкенттің орталық ауданы болғандықтан, мұнда тұрғындарға барынша жағдай жасалынған. Ауыз сумен 98%, электр жарығымен 96,5%, табиғи газбен 99,5%, кәріз жүйесімен 87% қамтылған. “Ағымдағы жылы 30 көшеге асфальт салу жұмыстары жоспарланып, бүгінде аяқталуға жақын. Аудандағы 404 көшенің 124-і жарықтандырылды.
