Әл-Фараби әкімдігінің ұйымдастыруымен «Зорлық-зомбылықсыз 16 күн» халықаралық акциясы аясында семинар-тренинг өтті.
Мақсаты: жасөспірімдерге қатысты зорлық-зомбылықтың алдын алу мақсатында ақпарттар беріліп, отбасындағы әйелдерге қатысты тұрмыстық зорлық-зомбылық алдын алу, жолын кесу және де жалпы отбасындағы құндылықтар бойынша түсіндірме жұмыстары жүргізу, зорлық-зомбылықтан зардап шеккендерге көмек беру.
Кездесуде «Зорлық-зомбылықсыз 16 күн» халықаралық акциясы аясында қатысушыларға буклеттер таратылып, кеңестер берілді. Зорлық-зомбылық, адам саудасы тақырыптары кеңінен айтылды.
Аталмыш шараға Шымкент қаласының білім басқармасының мамандары, «Қазақстан әйелдерінің республикалық кеңесі» қоғамдық бірлестігінің филиалы Шымкент қалалық әйелдер кеңесі төрайымы Жандосова Баян Айтбекқызы, Шымкент қаласы ПД Әл-Фараби ауданының полиция басқармаларының әйелдерді зорлық-зомбылықтан қорғау бөлімінің маманы мен Жастар ресурстық орталығының психологтары №3 арнаулы қызмет көрсететін орталығының әлеуметтік маманы психолог мамандары қатысты «Бақытты жанұя» КММ-нің психологы, тиолог мамандары және М.Өтебаев жоғары технологиялық колледжі студенттері қатысумен өткізілді.
Жиынға қатысқандар қалада гендерлік саясатты нығайту, тұрмыстық зорлық-зомбылықтың алдын-алу, болдырмау, әйелдердің құқығын қорғау мақсатында басқа да тиісті мекемелермен бірлесіп, жұмыстар атқарылып жатқанын айтуда. «Тұрмыстық зорлық-зомбылықтың алдын алу туралы» заңның негізгі ережелерін түсіндіру бойынша ішкі істер органдарының өкілдерінің жергілікті бұқаралық құралдарында түсіндіріп өтуде.
Кәсіпорындарда, ұйымдарда және оқу орындарында әйелдерге қатысты зорлық-зомбылық мәселелерді қараумен қоғамдық іс-шаралар пандемия кезіндегі сақтық шараларын қолдана отырып, брифингтер, дөңгелек үстелдер ұйымдастырылады. Тұрмыстық құқық бұзушылық жасауға бейім, сондай-ақ қолайсыз отбасы адамдарды тұрғылықты жерлері бойынша толық тексеру қамтамасыз етілді. Қорғау ұйғарымдары шығарылған немесе мінез-құлқына ерекше талап қойылған адамдардың тәртіпті сақтауларына ерекше назар аударылуда.
Алдағы күндері жалғасын табатын бұл акцияда тұрмыстық зорлық-зомбылық құрбандарына тегін құқықтық, психологиялық көмек көрсету, ауыл-аймақтардағы жастар мен әйелдерді цифрлық білім алу, гендерелік теңдік мәселелері бойынша дөңгелек үстелдер, семинар-тренингтер өткізу жоспарланып отыр.
