Әл-Фараби ауданы әкімі аппаратының және төтенше жағдайлар басқармасының өкілдерінің қатысуымен Темір жол вокзалы улы газдан уланудың алдын алу мақсатында түсіндірме жұмыстары өткізілуде.
Шын мәнісінде қауіпсіздік шараларын сақтау барлығымызға белгілі, әйтседе қала аумағында газдан улану фактілері толастамауда.
Көп жағдайда улы газдан улану көмірмен немесе газбен жағылатын пештерді немесе қазандықтарды дұрыс пайдаланбаудан туындайды.
Сондықтан бәрімізге мәлім қарапайым қағидаларды ұстануымыз қажет, ол үшін:
- жұмыс істейтін пешті қараусыз қалдырмаңыз;
- пеш қалауларындағы түтін мұржасын уақытылы тазалатыңыз;
- құрылғыларды өзіңіз жөндеуге тырыспаңыз, олқылық байқалған жағдайда білікті маманға жүгіңіз;
- Ғимараттың газ жабдығы тұратын жерінде таза ауа кіріп тұратындай етіп терезені ашыңыз немесе желдеткіш каналының болуын қадағалаңыз;
- автокөлік иелері көлікжайда (гаражда) автокөліктің қозғалтқыш бөлігін қосулы күйде тастамаңыз.
Шымкентте жылу маусымына дайындық жұмыстары қарқын алған. Шаһар аумағындағы 400 шақырымнан аса магистралды құбырлар сығымдаудан өтіп, тозығы жеткен 18 шақырымдағы жылу құбырлары жаңартылды.
Шымкент қаласында 2021-2022 жылу беру маусымында 56 өрт оқиғасы тіркеліпті. Өткен жылыту маусымында (2020-2021 ж.ж.) олардың саны 61 болып еді. Шымкент қалалық Төтенше жағдайлар департаментінің басшысы Мадияр Жақсыбаев өрттің шығуының негізгі себебі қондырғыларды орнату кезінде өрт қауіпсіздігі ережелерін сақтамау екенін айтады. Сонымен қатар, электр жабдықтарын, пештер мен мұржаларды пайдалану кезінде, өрт қауіпсіздігін бұзу. Өрт оқиғалары негізінен жеке тұрғын үй секторында тіркелген.
Айта кетейік, ағымдағы жылыту маусымында көмірқышқыл газымен уланудың бірде-бір оқиғасы тіркелген жоқ. Дегенмен табиғи газбен уланудың бес жағдайы тіркелді. Салдарынан алты адам қаза тапты, оның екеуі бала. Бір адам зардап шекті.
