Шөкеевтің үш орынбасары қызметінен кетті деген ақпарат қаншалықты рас? ELITAR.KZ порталының сенімді дереккөзі Түркістан облысы әкімдігінде ауыс-түйістің ауылы алыс емес екенін айтты. Және де қызметтен кету көшін облыс басшысының орынбасарлары бастағанға ұқсайды. Қазіргі таңда Өмірзақ Шөкеевтің үш бірдей орынбасары арыздарын жазып қойған көрінеді.
Сонымен олар кімдер?
Қызметіне кіріскеніне көп бола қоймаған Қосман Айтмұхаметов пе?
Ресей елінде дүниеге келген Төлеген Сәрсембаев па?
Әлде 2013 жылдан бері әкім орынбасары лауазымынан жылжымай отырған Ербол Садыр ма?
Мүмкін Түрикя еліндегі әжептеуір қызметін тастап өткен жылдың қарашасында облыс басшысының орынбасары болып тағайындалған Мәлік Отарбаев шығар...
Әлде 2018 жылдың сәуірінде жылы креслоға отырған Ербол Тасжүреков пе?
Дереккөздің жеткізген мәліметі бойынша Түркістан облысы әкімдігінің баспасөз қызметіндегілерге хабарласқанымызда ондағылар бұл ақпаратты жоққа да шығармады, растамады да. «Білмейміз» деп жылы жауып қойды.
Айтпақшы, Өмірзақ Естайұлы өткен аптада АШМ жауапты хатшылық қызметінен босап қалған Асылжан Мамытбековті өзіне бірінші орынбасар етіп тағайындайды екен деген әңгіме желдей есіп жүр. Қызмет бабында Шөкеевтен ажырамайтын Мамытбеков туралы бұл әңгіменің шығуы түсінікті де сияқты. Егер рас болса, ақпан айында облыс басшысының бірінші орынбасары қызметіне тағайындалған Қосман Айтмұхаметов қайтпек?
Айтмұхаметов демекші, Қосман Қайыртайұлы Ақмола облысын басқарып тұрған тұста жастармен кездесу өткізіп, Елбасы Нұрсұлтан Назарбаевты өзінің кумирі көретінін айтқан болатын. Арада бірнеше өтіп елорданы су басқан соң Айтмұхаметов Елбасыдан сөз естіп тынды. Яғни, өзінің кумирінен. Бұл кезде Қосман Қайыртайұлы Астана әкімінің орынбасары еді.
