ELITAR.KZ порталының жасаған болжамы тағы да расталды.
Естеріңізде болса, Өмірзақ Шөкеев Түркістан облысына басшылық қызметке келе сала өңір басшысы кадрлық ауыс-түйіс жасай ма деген бейнематериал дайындаған болатынбыз. Онда қызметтік жолы Өмірзақ Естайұлының еңбек жолымен түйіскен бірқатар азаматтарды тізбектеп шықтық. Олардың қатарында күні бүгін Түркістан облысы әкімінің орынбасары қызметіне кіріскен 61 жастағы Жолдымұрат Аманбаев та болды. Яғни, Жолдымұрат Ермұханұлы тағы да Шөкеевтің командасына келді.
Жаңа орынбасар бұған дейін ҚР АШМ кадрлық және әкімшілік қамтамасыз ету департаментінің директоры болды.
Айтпақшы, ELITAR.KZ порталы бұған дейін сенімді дерекөздің мәліметіне сүйене отырып Шөкеевтің үш орынбасары қызметтен кетпек болып арыздарын жазып қойғаны туралы да айтты. Содан бері Түркістан облысы әкімінің екі орынбасары ауысты. Ал келесі кім?
