Шымкент қаласы прокуратурасының бастамасымен өтіп жатқан «Заң керуені» акциясы аясында Абай ауданының прокуроры, аудан прокурорының орынбасары және қалалық еңбек инспекциясының бөлім басшысы, Халықты жұмыспен қамту орталығы директорының орынбасары, Абай ауданы әкімінің орынбасары, Абай ауданы төтенше жағдайлар басқармасының басшысы, Абай ауданы бойынша санитариялық-эпидемиологиялық бақылау басқармасының басшысымен бірлесіп Шымкент қаласы Абай ауданында орналасқан «Build stroi», «Gold Aluminium» ЖШС-не және «Continental Logistics Shymkent» - көліктік-логистикалық орталығына шығу арқылы қызметкерлерге еңбек заңнамасының сақталуы бойынша, жалақы мәселері, сондай-ақ құқықтық, тұрмыстық мәселелер бойынша түсіндірме жұмыстары жүргізілді.
Алдағы уақытта бұл топ кесте бойынша ауданда орналасқан барлық ірі және орта кәсіпорындарының жұмысшыларымен “еңбек дауларын алдын алу, оларды шешу және жалақы мәселелері” бойынша кездесулер өткізеді.
«Заң керуені» акциясы Әл-Фараби ауданында да жалғасын тапты. Аудандық прокуратурасы басшылығының, Әл-Фараби ауданы әкімінің, Шымкент қаласы мемлекеттік еңбек инспекциясының, Халықты жұмыспен қамту орталығының, аудандық санитариялық-эпидемиологиялық бақылау басқармасының өкілдерінің қатысуымен аудан аумағындағы 100-ден астам жұмысшылары бар *7* кәсіпорынның еңбек ұжымымен кездесулер ұйымдастырылды. Атап айтқанда Энергопоток ЖШС, «Қазақтелеком» АҚ филиалы ОӨТД, «Қуатжылуорталық-3», Оңтүстік Жарық Транзит ЖШС, Sinooil ЖШС Шымкент филиалы, Отау-Строй ЖШС, «Қазақстан Темір Жолы» АҚ «Шымкент магистралдық желі бөлімшесі» филиалы мекемелерінің қызметкерлерімен әңгімелесу жүргізілді.
Сонымен қатар, кездесу барысында топ өкілдері еңбек және санитариялық-эпидемиологиялық нормалардың, жалақының уақытылы әрі толық төленуіне байланысты талаптардың сақталу жағдайымен танысып, оларға еңбек заңмаларының сақталуы бойынша тиісті түсіндірме жұмыстарын жүргізді.
Кездесу соңында аталған еңбек ұжымдарға еңбек және басқа да әлеуметтік сұрақтар бойынша прокуратура мен құзырлы органдарға кез-келген уақытта жүгінуге болатындығы түсіндірілді.
