Жеңіс Қасымбектің кандидатурасы премьер-министрдің орынбасары қызметіне ұсынылды, - деп хабарлайды Парламент мәжілісінің сайтына сілтеме жасап Elitar.kz.
Экономикалық реформа және өңірлік даму бойынша Мәжіліс Комитетінің отырысы өтті. Онда Жеңіс Қасымбектің кандидатурасы Премьер-министр орынбасары қызметіне ұсынылды.
Бұл мәселе комитеттің отырысында "Қазақстан Республикасының Парламенті және оның депутаттарының мәртебесі туралы" Қазақстан Республикасы Конституциялық Заңының 22-1-бабына сәйкес қаралды. Қазақстан премьер-министрінің тапсырмасы бойынша кандидатураны Премьер-министр кеңсесінің басшысы Нұрлан Алдабергенов таныстырды. Өз сөзінде Алдабергенов Жеңіс Қасымбек үкімет жұмысының стратегиялық бағыттарында шешімдер қабылдау үшін қажетті құзыретке ие екенін атап өтті. Мәжіліс Комитетінің мүшелері Қасымбекке бірқатар сұрақтар қойып, талқылаудан кейін тиісті қорытынды қабылдады.
"Құжатта атап айтқанда: "Парламент мәжілісінің экономикалық реформа және өңірлік даму комитеті премьер-министр ұсынған Қасымбек Жеңіс Махмұдұлының кандидатурасын "Қазақстан Республикасының Парламенті және оның депутаттарының мәртебесі туралы" Конституциялық заңның 22-1-бабына сәйкес қарап, аталған кандидатураны премьер-министрдің орынбасары лауазымына тағайындау үшін ұсыну мүмкін деп санайды", - делінген сайт хабарламасында.