Шымкенттік тұрғын Нұрсұлтан Жақсыбек 18 жасқа толды. Ол бүгінгі атаулы күнді Президент сайлауында дауыс беруден бастады. Азамат, өзінің елінің алдындағы жаупкершілігін сезініп, өз таңдауын жасады.
– Мен бүгін 18 жасқа толдым. Сайлау 20 қарашада болатынын естігенде, мен сол күні 18 жасқа толамын ғой деп ойлап қойып едім. Дәл сол күні дауыс бере аламын ба деп сұрап алдым. Бере алады екенмін. Туған күнімнің елімізде болып жатқан тарихи күнмен тұспа-тұс келгеніне қуаныштымын. Бұл менің өмірімде де есте қаларлық күн болып қалады. Және үлкен адамдар секілді, жауапкершілікпен дауыс беру құқығына ие болғаным үшін өте қуаныштымын. – деді Мұхтар Әуезов атындағы Оңтүстік Қазақстан университетінің студенті Нұрсұлтан Жақсыбек.
