Әнші Алсудың қызы Микелла Абрамова финал қорытындысы жоққа шығарылған «Голос.Дети» сайысына қатысты алғаш рет пікір білдірді.
Естеріңізге сала кетейік, жас әртіс үшін дауыс беру әдейі ұйымдастырылғаны анықталғаннан кейін маусым нәтижелері жойылған болатын. Ал 24 мамырда тікелей эфирде барлық финалистердің қатысуымен бағдарламаның арнайы шығарылымын өткізу туралы шешім қабылданды.
Сонымен қатар, арна барлық финалға шыққан балаларды жеңімпаз деп атап, 1 млн рубль ақшалай сыйлық табыс етті. Финалисттердің арасында отандасымыз Ержан Максимнің есімі бірінші аталды. Бірақ арнайы шығарылымға Микелла Абрамова да, оның тәлімгері Светлана Лобода да келген жоқ.
Микелла балалар шауына қатысып, достар табуының өзін жеңіс деп санайтынын жазып, сахнадағы достарына сәттілік тіледі. Көрермендері мен жанкүйерлеріне қолдап, дауыс бергендері үшін алғыс білдірді.
«Тіпті
қолдауларыңызды қашықтықтан сезіндім,
ол маған шынымен көмектесті! Менің
арманым - сахнаға шығып, осы супер -
жобаның бір бөлігі болу еді, ол шындыққа
айналды. Бұл өмірімдегі ұмытылмайтын
қызықты сәттерге толы ай болды!»- деп
жазады жас әнші INSTAGRAM парақшасында.
