Жанар Хамитова Super Star KZ жобасының финалисті. Осыдан 14 жыл бұрын сахна төрінде жалт еткен Жанардан көрермені көз жазып қалған болатын. Отандық бағдарламалардың бірінде ол өз көрерменімен 11 жылдан соң қайта қауышты, деп хабарлайды Elitar.kz.
Әнші мега жобадан кейін China Town тобының мүшесі болды, бірақ нағыз танымалдылық оған «Арнау» дуэтімен келді. 11 жыл бұрын Жанар Хамитова шоу-бизнестен кетіп, тұрмысқа шықты. 18 жасар жұлдыз азаматтық күйеуімен шетелге кетіп, жақындарымен байланысын үзген.
«Иә,
біз Америкада және Амстердамда тұрдық,
соңғы рет Түркияда тұрдық, балаларға
теңіз ауасы қажет болды. Мен оған тек
алғыс айтамын. Егер ол болмаса, мен тірі
жүрмес едім. Мен оған екі ұл тудым. Үлкені
7 жаста, ал кішісі 6-да. Олар қазір әкесімен
бірге тұрады. Себебі ұлдарға әкесі
жанында болғаны дұрыс», — деді Жанар
«Астарлы ақиқат» бағдарламасында.
2018 жылдың қыркүйегінде Жанардың азаматтық жұбайы оны үйінен қуып шыққан. Ол қолындағы бір пакетпен далада қалған. Әншінің айтуынша, бөтен елде өмір сүріп, жұмыс істеу қиын болған.
«Түркияда көлік тұрағын 10 доллар үшін сыпырдым, 1 000 лира үшін бала күтуші болдым. Қазір Қазақстанға оралдым, ыдыс жуушы болып жұмыс істеймін, отбасылық жұппен пәтер жалдап тұрамын. Мен көмек сұраған кезде маған ешкім көмектеспеді. Ыстық сусыз үйде тұрдым. Пәтер жалдау үшін 300 мың теңге несие алдым. Қазір соны төлеп жатырмын. Тіл білгеніммен дипломым жоқ. 30 жыл ішінде 20 рет өмірмен қоштаспақ болдым. Тамырымды кесіп, асылып қалуға тырыстым»,- деді Жанар.
Қазір Жанар сахнаға қайта оралғысы келетінін айтты. Бағдарламаға қонақ ретінде шақырылған әріптестері де оны қолдаудан бас тартпайтындықтарын білдірді.
