Ерекше дауысымен әлемді тәнті еткен қазақ әншісі Димаш Құдайбергеннің Ресейдегі концерті қашан болатыны белгілі болды. Бұл туралы ол INSTAGRAM парақшасында жазды, деп хабарлайды Elitar.kz.
"Мәскеу. Мемлекеттік Кремль сарайы, Ұлыстың Ұлы күні - 22 наурызда жеке кешімде көріскенше! Жақын күндері билеттер сатылымға шығарылады", - деп жазды әнші.
Ақпарат ретінде айта кетейік, Димаш Құдайберген бұған дейін де Ресей сахнасында өнер көрсеткен. Алдымен "Новая волна" байқауында, кейінірек Кремльде өткен концертте ән шырқады. "Песня года" кешінде де көрерменді өзіне тәнті еткен ол ағымдағы жылдың 19 қарашасында Лондонда жеке кешін берді.
ФОТО: 24kz
