Әлемге танымал жарық жұлдыз Димаш Құдайбергеннің есімі аян арқылы қойылған. Бұл туралы дәстүрлі әнші Айгүл Елшібаеваның фейсбук желісіне жариялаған видеосынан мәлім болды.
Видеода Димаш Құдайбергеннің атасы дастархан басында немересіне есімді қалай қойғанын әңгімелейді.
«Бірде ақтөбелік Дәметкен деген әжейдің үйінде
қонақта болдық. Димаш жаңадан туылған.
Әжей «Немереңе ат қойдың ба?»,- деп
сұрады. Мен «Иә, бір атты таңдап отырмыз»,-
дедім. «Ол есімді қойма. Түсімде аян берді.
Немереңнің есімі Мұхаммед болсын»,-
деді Дәметкен әжей. Үйге келіп балаларға
әжейдің тапсырмасын айттық. Олар бұл
есімді ұнатты. Бірақ мектепте «Муха»
деп мазақтайды ғой, алдына «Дін» дегенді
қосайық деді. Сонымен немеремнің есімін
Дінмұхаммед деп қойдық»,- деді танымал
жұлдыздың атасы.
Димаштың әжесі де немересі туралы өз естелігімен бөлісті:
«Димашты ертіп мәскеулік парапсихологқа бардық. Ол Димаштан «не көріп отырсың?»,- деп сұрады. Ол кезде Димаш 5-6 сыныпта оқиды. «Бір атаны көрдім, менің бөлмемнен тауға қарай алдыма ақ жол жайды»,- деді Димаш. «Сен Мұхаммед Пайғамбарды көріп отырсың, қолыңды жай, бата берейін»,- деді әлгі кісі.
Дінмұхаммедтің
сахналық есімі - Димаш. Ол осы есіммен
бүкіл дүние жүзіне әнші Димаш Құдайберген болып танылды.
