Қазақстандық танымал шоумен Талғат Самбал украиндық Kazka тобының "Плакала" әнін орындап шықты. Алайда шоумен туындының сөзін елдегі тариф бағасына қатысты проблеманы астарлы етіп өзгертуді жөн санаған, деп хабарлайды inforesist.org.
"Мен өзге де қазақстандықтар секілді тұрақты түрде жаңалықтарды оқып тұрамын. Негізі бұл менің алғашқы жұмысым емес. Бұған дейін "Пустите меня в акимат" (Мені әкімдікке кіргізіңіздерші) және "Запах пенсии моей" (Менің зейнетақымның иісі) деген әнге видео түсірдік. Мұның бәрі елде болып жатқан жаңалықтардың арқасында. Өзекті делінген нәрселерге мәтінді өзім жазамын. "Плакала" әнінің мәтінін түнде жаздым. Келер күні бар болғаны 15 минутта студияда дауыс жаздырып, достарымды шақырып, 1,5 сағатта ролик түсіріп шығардық",-деді ол.
Атап өтерлігі, Самбайдың "Пустите меня в акимат" деген туындысы "Пустите меня на танцпол" деген әнге әзіл ретінде түсірілген ролик болатын. Ол казнетте көп қаралым жинады.
"Қалай шығатынын көргіміз келді. Негізі роликті Youtube-тен екі рет өшіруге тура келді. Кейін ойланып оның үстіне халықтың да сұранысы болды, содан видеоны тағы жүктедік. Сосын "Запах пенсии моей" дегенді шығардық...",- деді шоумен.
Еске салсақ, украиндық Kazka тобының "Плакала" әні қазіргі таңда хит әндердің қатарында. Әннің клипі Youtube-те 100 млн-нан астам қаралым жинап үлгерді.
