07 наурыз, 12:51
Шымкенттің "Ордабасы" футбол командасы 2019 жылғы маусымға команданың жаңартылған құрамын таныстырды. Фанаттар мен жанкүйерлерге жаңа ойыншылар, бапкерлер штабы мен клуб жетекшілері таныстырылды.
2018 жылы "Ордабасы" құрамынан бірнеше ойыншы кетті: Сергей Хижниченко, Қайрат Әшірбеков, Еркебұлан Тұңғышбаев, Жасур Нарзиқұлов, Никита Бочаров, Хрвое Спахия, Лука Муженяк, Неманья Коич, Жасұлан Молдақараев. Олардың орнына Шымкенттің басты командасының сапына Дмитрий Непогодов, Марат Быстров, Сергей Малый, Алексей Щеткин, Тохтар Жанғылышбай секілді Қазақстан ұлттық құрамасының футболшылары, легионерлер Жоао Пауло, Май Махлангу және Мұхит Жақсылық, Әділхан Добай мен Эльхан Астанов секілід жас ойыншылар толықтырды.
«Әр маусымда көрсеткен қолдауларыңыз үшін сіздерге алғыс айтамыз. Біздің жанкүйерлерді «Ордабасы» клубының Шымкентте өтетін ойындарында күтеміз. Маусымның алғашқы ойындарын біз Орталық стадионда өткіземіз. Сіздерді матчтарда күтеміз!», - деді Н.Қатаев таныстыру барысында.
