Бұл хоккей тарихында алғаш рет болып жатқан жағдай, деп хабарлайды Proports.kz-ге сілтеме жасап Elitar.kz.
Азат Тұрсынханов Филодельфиядағы «Lehigh Valley» командасының капитаны атанды.
Қазақ баласы 1998 жылы 14 қыркүйекте Алматы қаласында дүниеге келген. 2003 жылдан 2015 жылға дейін астаналық хоккей құрамасында шабуылшы болды. Жас ойыншы үш жыл бұрын Канадаға аттанды.
Канадада Азат Торонтода GMHL лигасында ойнады, ал қазір қазақстандық спортшы Пенсильвания штаты Филадельфия қаласында EHL лигасына жататын Lehigh Valley командасының капитаны.
“Бала күнімде хоккейге әкем қатыстырды. Мен қаннан қорқатын едім. Хоккейшілердің тартысып, бірін бірі ұрып, төбелесіп ойнайтынын теледидардан көріп, бұл спортты мүлде ұнатпадым. Қарсылығыма қарамастан мені хоккейге қатыстырды. Бірақ, кейін үйреніп кеттім. Тіпті ұнап кетті. Филадельфияға да тек хоккей ойнау мақсатымен келдім. Бапкеріммен, ойыншылармен жақсын қатынастамын. 3 жыл жастар құрамында ойнадым. Тәжірибем болған соң мені капитан қылған шығар. Мұны өзім де күтпегем. Мен мұнда жастарға үлгі көрсетуім керек. Қазақстан атынан шығам. Көбісі Қазақстанды Пәкістан не Ауғанстан деп ойлайды. Бірақ Геннадий Головкинді біледі”, – дейді хоккейші.
ФОТО: Zakon.kz
