12 қараша, 16:40
Мырзағали Айтжанов: "Біз Әділбектің спорттағы карьерасын аяқтағанына ренжуге тиіс емеспіз"
Қазақстанның кезекті чемпионаты қарсаңында Олимпиада ойындарының екі дүркін күміс жүлдегері, Азия ойындарының чемпионы Әділбек Ниязымбетовтың бокстағы спорттық жолын аяқтайтыны белгілі болды, деп хабарлайды Қазақстанның бокс федерациясына сілтеме жасап Elitar.kz.
«Біз және жанкүйерлер Әділбектің спорттағы жолын аяқтағанына ренжуге тиіс емеспіз. Біз оның Қазақстандағы боксты дамытуға қосқан үлесі үшін алғыс айтуымыз керек. Ол еліміздің намысын әлемдегі түрлі додаларда қорғады. Олимпиада және әлем чемпионаттарының финалына шыққандар санаулы ғана. Әділбек бұған қоса Азия ойындарының да чемпионы атанды. Мұндай жетістікке екінің бірі жете бермейді»,-деді Қазақстанның ұлттық құрамасының бас бапкері Мырзағали Айтжанов.
Айта кетейік, Әділбек Ниязымбетов бұған дейін Қазақстанның бокстан ұлттық құрамасын басқарған.
