Алматыда белдесуден "Халық барысы" ІІ республикалық турнирі өтті, деп хабарлайды neonomad.kz-ке сілтеме жасай отырып Elitar.kz.
Алматыда "Сұңқар" халықаралық трамплиндер кешенінде ұлттық жекпе-жек түрі - белдесуден "Халық барысы" ІІ республикалық турнирі өтті. Оған еліміздің барлық аймақтарынан 1000-ға жуық балуандар қатысты.
Екі күндік турнирді ұйымдастырушылар - Қазақстан Республикасының Мәдениет және спорт министрлігі, Қазақ күресі федерациясы және Алматы әкімдігінің қолдауымен "Қазақстан Барысы" қазақ күресін дамыту қоры.
І
орын мен 9 млн теңге жеңіп алған - алматылық
Дәурен Нұралинов. Оның жаттықтырушысы
Кикимов Мақсатқа 1 млн теңге көлемінде
ақшалай сыйақы берілді.
Қостанай
облысынан Талғат Жиентаев ІІ орын және
4,5 млн теңге жеңіп алды, ал оның
жаттықтырушысы Тоқтар Жиентаевқа 500
мың теңге көлемінде сертификат табыс
етілді.
Жамбыл облысынан келген
Ғалымжан Қырықбаев ІІІ орын және 2,7 млн
теңге ақшалай марапатқа ие болды. Оның
жаттықтырушысы Бақтияр Ақбергеновке
300 мың теңге табыс етілді.
"Халық
барысы" - ресми тіркелген спорт түрі.
Жарысқа 18-ден 50 жасқа дейінгі ерлер
қатыса алады. Басты мақсат - ұмытылған
ұлттық спорт түрін жаңғырту. Ереже
бойынша, егер балуандардың біреуі жерге
құлап, немесе оның тізесі, қолы немесе
денесінің басқа бөлігі жерге тисе, онда
жеңілді деп есептеледі.
Салмақ
дәрежесі жоқ, балуандар жалаңаш кеудемен,
белбеулі шалбарда күреседі. Кәсіби
балуандар жарысқа жіберілмейді.
