14 қаңтар, 08:25
Шымкентте Қазақстанның жасөспірімдер баскетбол лигасының батыс конференциясының жеребе тастау рәсімі өтті. Алматы мен Шымкенттің командалары қатысатын лига америкалық баскетбол қауымдастығы NBA франшизасы бойынша жұмыс істейді және сол чемпионаттың сызбасы негізге алынған.
Шымкент пен оңтүстік астананың жасөспірім ойыншылары қатысатын турнирдің басында батыс конференциясының командалары өзара бақ сынасып, жеңімпаз финалда Қазақстанның шығыс жасөспірімдер конференциясының үздік командасымен кездеседі.
Шымкенттегі жеребе тастау және Қазақстанның жасөспірімдер баскетбол лигасын таныстыру рәсімі қала мектептерінің оқушылары үшін нағыз мерекеге айналды. Енді 60 команда - Шымкент пен Алматының әрқайсысынан қыздар мен ұлдар арасындағы 15 командадан өзара мықтыны анықтайды.
"Бұл жарыстардың негізгі мақсаты – Қазақстанда жасөспірімдер арасындағы баскетболды дамыту. Яғни, 10-13 жасар ұлдар мен қыздар NBA ұлттық лигасының жүйесімен ойнайды. Шымкентте біз батыс дивизионындағы 3 конференцияны анықтаймыз. Бұл – 5 командадан 3 топ деген сөз. Олар екі айналым бойына кездесіп, 8 матчтан ойнайды. Одан кейінгі жарыс NBA лигасындағы сияқты - плей-офф және жеңімпаз анықталады",-деді ҚР Ұлттық баскетбол федерациясының вице-президенті Әлімжан Дүйсенов.
Баскетбол чемпионатында құрамына Алматы мен Шымкент қалалары енетін оңтүстік лигасының командаларынан бөлек Атырау, Ақтау, Астана және Қостанай жасөспірімдерінен тұратын Батыс және Солтүстік лигаларының командалары қатысады. Үш лиганың жеңімпаздары өзара жасөспірімдер арасындағы республика чемпионын анықтайды. Шымкенттік оқушылар мұндай жарыстар жеткіншектерге әлемдік спорттың ареналарда тануға жақсы мүмкіндік береді дейді.
– Америкамен әріптес болып, осындай ауқымды жарыстарға қатысатыныма шын көңілден қуанып отырмын. Барлық құрдастарыма әділ әрі жақсы ойындар тілеймін. Маған осындау турнирлер ұнайды, себебі, осындай жарыстың нәтижесінде біз Америка ареналарына шығып, мықты спортшы бола аламыз, - дейді Шымкенттегі Назарбаев зияткерлік мектептерінің бірінің оқушысы.
Жасөспірімдер америкалық «Лос-Анжелес Лейкерс» немесе басқа да командаларының сапында өнер көрсетпесе де олар Қазақстан баскетболының намысын халықаралық ареналадарда қорғай алады. Себебі, көптеген әйгілі ойыншылар спорттағы жолын осындай жасөспірімдер лигасынан бастаған. Ал қазақстандық жасөспірімдер лигасының жеңімпаздарына кубокпен қоса NBA жеңімпаздары тағатын чемпиондық жүзіктер табыс етіледі.
Автор:
Данияр Құдайбергенов
