ESPN телеарнасының журналисті Сальвадор Родригес қазақстандық боксшы Геннадий Головкиннің мексикандық Альвареспен үшінші кездесуі келер жылдың мамыр айы болуы мүмкін деп болжайды.
"Айтпақшы, біз бірнеше апта бойы айтқанымыздай, Головкин қыркүйекте "Канеломен" үшінші жекпе-жегін жасай алмайды. Мүмкін, титулға қол жеткізсе, келесі жылдың мамыр айында болар", - деп жазды Родригес твиттерде.
Естеріңізге сала кетейік, екі алыптың бірінші кездесуі тең аяқталды, екіншісі - көпшілік шешімімен "Канелоның" жеңісімен аяқталды. Бұған дейін Геннадий трилогияға үміт артатынын мойындаған болатын; Альварес те кездесуге кет әрі емес.
Айта кетейік, Головкин
таяуда өзінің жаңа жаттықтырушысын
таныстырды. Ол кезінде Владимир Кличкомен
жұмыс істеген американдық жаттықтырушы
Джонатон Бэнкс. Головкиннің алдағы
шешімдеріне жаңа жаттықтырушының да
өз ықпалы болуы сөзсіз.
