​Головкин жаңа келісімшартқа қол қойды

09 наурыз, 14:27

Бокстан орта салмақтағы экс әлем чемпионы Геннадий Головкин DAZN стриминг платформасымен келісім-шартқа қол қойды. Оның шарты бойынша Головкин DAZN-да 6 кездесу өткізуі тиіс: үш жылда екі матчтан. Алғашқы кездесу биылғы маусымда өтеді.

"DAZN бокстың жаңа үйіне айналып, ауқымды кездесулерді жанкүйерлерге қолжетімді етті. Менің спорттағы жолымды қайда жалғастыруды ойластырғанда DAZN мақсаты дәл келді. Тек маған ғана емес, Шығыс Европадағы талантты боксшыларды әлемге танытпақ. Жанкүйерлеріме қолдаулары үшін алғыс айтамын. DAZN-да сіздерді асыға күтемін", - деді Головкин.
Келісімнің гонорары туралы ешқандай мәлімет жоқ.
Еске салайық, былтыр жыл соңында Головкинмен екі рет жұдырықтасқан Сауль Альварес DAZN-мен 11 кездесу, 5 жылға және 365 млн $ келісіміне қол қойды.