Қазірден бастап Қазақстанда Чемпиондар ай сайын 300 мың теңгеден астам ақша алатын болады, деп хабарлады ҚР Мәдениет және спорт министрлігінің баспасөз қызметі.
Олимпиадалық, паралимпиадалық, сурдлимпиадалық ойындардың, сондай-ақ олимпиадалық спорт түрлері бойынша Әлем Чемпионаттарының жеңімпаздары мен жүлдегерлерін, қазақстандық спортшылар мен жаттықтырушыларды ай сайынғы өмір бойы қамтамасыз ету мөлшері ұлғайтылды.
"Бұл төлем бастапқыда 24 АЕК (73 512 теңге) құрады және ұзақ жылдар бойы өзгеріссіз қалды. Осыған қарамастан, биыл Қазақстан Үкіметіне мәдениет және спорт министрлігінің ұсынысы қолдау тауып, ай сайынғы қамтамасыз ету көлемі 100 АЕК (306 300 теңге) дейін өсті", – деп атап өтті ҚР МСМ.
Өз кезегінде, төрт жылдық ойындардың жеңімпаздары бұл жаңалық спортшылар үшін үлкен қолдау екенін атап өтті.
"Мен бұл мәселені депутат ретінде қанша рет көтердім. Бірақ біз осы жылға дейін ешқандай жауап алған жоқпыз. Енді мәдениет және спорт министрлігінің бастамасымен Олимпиада ойындарының жүлдегерлері ай сайынғы қамтамасыз ету көлемін 100 АЕК-ке дейін арттырды. Бұл спортшылар үшін үлкен қолдауды білдіреді. Спортшылардың еңбегін бағалағаны үшін елімізге алғыс айтамыз", – деп бөлісті Олимпиада чемпионы Ольга Шишигина.
Бұл өзгерістер спортшыларға ғана емес, олардың жаттықтырушыларына да әсер етті. Яғни, Олимпиада, Паралимпиада, Сурдлимпиада ойындары мен олимпиадалық спорт түрлері бойынша Әлем Чемпионаттарының жеңімпаздары мен жүлдегерлерін тәрбиелеген тәлімгерлер өмір бойы алатын ай сайынғы материалдық қамтамасыз етуге құжаттар тапсыра алады.
"Біз қазір төлемдер 4 есе өсті деген жаңалықты естігенімізге қуаныштымыз. Бұл шешіміне жауап жоқ мәселелердің бірі болды. Бұл біздің жас спортшыларымызды да жігерлендіретіні сөзсіз. Әсіресе жаттықтырушылар үшін қуаныштымын, олар үшін бұл үлкен қолдау болады", - деді Сиднейдегі бокстан Олимпиада жеңімпазы Ермахан Ибраимов.
Ведомствода аталған төлемді алу үшін спортшылар мен жаттықтырушылардың спорт саласында 20 жылдық жұмыс өтілі болуы тиіс екендігі нақтылап өтті.
