Шымкенттік «Ордабасы» футбол клубының президенті Нұржан Қатаевтың кеңесшісі болып Саян Хамитжанов тағайындалды, деп хабарлайды Шымкент қалалық әкімдігінің баспасөз қызметіне сілтеме жасай отырып Elitar.kz.
Жаңа кеңесшімен бір жыл мерзімге келісімшарт түзілді.
Саян Хамитжанов бұған дейін «Астана» футбол клубының президенті қызметін атқарған.
Атап өтерлігі, «Астана» футбол клубы соңғы 5 жылда футболдан Қазақстан Премьер-лигасының 5 дүркін чемпионы атанды, бұған қоса Қазақстан Кубогын және екі дүркін Қазақстан Супер кубогын ұтып алды.
Еске салсақ, "Ордабасы" футбол клубы биылғы жазда Еуропа лигасы аясында сынға түседі.
