Қазақстандық боксшы Фируза Шарипова (9-1, 4 КО) IBO нұсқасы бойынша екінші жартылай жеңіл салмақтағы әлем чемпионы атағынан айырылды, деп хабарлайды Elitar.kz.
Шарипова ұйымның ресми сайтындағы әлем чемпиондарының тізімінде жоқ. Естеріңізге сала кетейік, Фируза IBO әлем чемпионы атағын 2017 жылы 30-желтоқсанда Алматы қаласында бельгиялық Джемилла Гонтарюкті (14-5-2, 2 КО) жеңгеннен кейін алған болатын. Енді қазақстандық жеңіл салмақта тек WIBA нұсқасы бойынша белдікке ие.
Халықаралық бокс ұйымы (IBO) кәсіби бокстың негізгі санкциялаушы органдарының қатарына кірмейді және WBC, WBA, IBF және WBO кейін маңыздылығы бойынша бесінші болып табылады.
