Шымкенттік боксшы кәсіби-рингтегі кезекті жекпе-жегіне дайындалуда

03 сәуір, 14:46

Шымкент боксшысы Сұлтан Заурбек кәсіби-рингтегі алтыншы жекпе-жекке дайындалуда, деп хабарлайды Elitar.kz.

Жастар арасындағы әлем Вице-чемпионы Дубайдағы Emirates Golf Club бокс кешіне қатысады. Турнирді үлкен ауқымда өткізу жоспарлануда. Оған 22 елдің өкілдері қатысады.

Біздің отандасымыздың қарсыласы қытайлық спортшы Чен Хун Тао болады. Аспан асты елінің өкілі профи-рингте 13 жекпе-жек өткізді (7 жеңіс, 1 жеңіліс).

Айта кету керек, Заурбектен басқа, бокс кешіне тағы бір қазақстандық Абылхаир Шегалиев те қатысады. Ол грузин Теймураз Абеладземен кездеседі

Естеріңізге сала кетейік, Сұлтан Заурбек кәсіби рингке алғаш 2018 жылы 26 қазанда шықты. Бірінші жекпе-жекте ол Хосе Агилларды жеңді. Келесі төрт жекпе-жекте қазақстандық нокаутпен жеңіске жетті.