Оралда бадминтон бойынша 2004 және 2006 жылы туған жасөспірімдер арасында Орталық Азия чемпионаты аяқталды. Түркістан облысының спортшысы Богдан Назаров үш санат бойынша абсолютті жеңімпаз атанды, деп хабарлайды тілшісі Elitar.kz
Бұл чемпионатта Дарья Чонтова да (Түркістан облысы) үздік нәтиже көрсетті. Дарья Махсут Таджибулаевпен (Түркістан облысы) бірге жеке және аралас санаттағы жұптық категориясында жеңімпаз және күміс жүлдегер атанды. Махсут жеке категорияда қола жүлдені иеленді.
Түркістандық Әйгерім Есенәлі болса, жұптық категорияда бірінші орынды және жеке есепте екінші орынды иеленді. Ратмир Гильманов және Махсут Таджибулаев жұптық санатта екінші орыннан көрінді.
Түркістан облысының тағы бір спортшысы Роман Мұратов қарағандылық әріптесімен бірге қола жүлдеге қол жеткізді.
