​Шымкенттік фристайлшылар республикалық ІІІ жастар ойындарындағы жүлденің барлығын жеңіп алды

26 наурыз, 12:30

Шымкенттік фристайлшылар Өскеменде өткен республикалық ІІІ жастар ойынында 5 медаль ұтып алды, деп хабарлайды Elitar.kz.


Соның нәтижесінде қала құрамасы жалпы командалық есепте 1-орын иеленді. Ұланбәкір Өмірзақов пен Жібек Нұралиева жастар ойындарының чемпионы атанса, қыздар арасында күміс медальға Ақниет Жантілеуова қол жеткізді. Ал үшінші орынға Максим Павлов пен Маржан Ақжігіт көтерілді.

Бұған дейін Шымкенттің тағы бір фристайлшысы Аяна Жолдас Швейцарияның Айроло қаласында өткен Еуропа Кубогы кезеңінде күміс және алтын медаль жеңіп алған болатын.