Әлем халқының саны 8 млрд адамға жетті. Бұл туралы БҰҰ-ның баспасөз қызметі әлемдік ұйымның есептеріне сілтеме жасап хабарлады.
2022 жылдың 15 қарашасында Жер планетасының тұрғындарының саны 8 миллиард адамға жетті. Бұған Біріккен Ұлттар Ұйымының Халық қорының (ЮНФПА) мәліметтері дәлел.
ЮНФПА мәліметі бойынша, 2030 жылға қарай жер шарындағы халық саны 8,5 миллиард адамға, ал 2050 жылға қарай 9,7 миллиард адамға, 2100 жылға қарай 10,4 миллиард адамға жетеді.
Әлем халқының өсуі 2100 жылға дейін жалғасады.
Дүние жүзіндегі халық санын жетіден сегіз миллиард адамға, яғни 1 миллиард адамға өсіру үшін 12 жыл қажет болды, ал келесі миллиардқа 14,5 жыл қажет (2037 жылға дейін).
2050 жылға дейін әлем халқының ең үлкен өсімі Африка елдерінде тіркеледі.
2020 жылы өткен ғасырдың 70-жылдарынан бері алғаш рет әлем халқының өсу қарқыны бір пайыздан төмен түсті.
Әлем халқының саны 19 ғасырдың басында алғашқы миллиардқа жетті.
