Шри-Ланкадағы жарылысқа байланысты 13 күдікті ұсталды

22 сәуір, 14:13

Кеше Шри-Ланканың түрлі аймағында болған жарылыстар 300-ге жуық адамның өмірін қиды. Жергілікті БАҚ бұған дейін 262 адам шабуыл құрбаны болғанын, 452 адам жарақат алғандығын хабарлаған.


Шри-Ланка полициясы 13 адамды қамауға алды. Олар аралдағы отельдер мен ғибадатханаларда жарылыстар жасады деп күдікке ілінген. Он күдікті қылмыстық іздестіру бөліміне тапсырылады.

Бұған дейін АҚШ-тың Мемлекеттік хатшысы Майк Помпео лаңкестіктің салдарынан бірнеше америкалықтардың қаза болғанын растады. Естеріңізге сала кетейік, қайғылы оқиға Пасха мерекесі кезінде орын алған.