Шотландиядағы Эдинбург университетінің ғалымдары тірі жасушаның ішінде синтетикалық биополимерлерді жасау тәсілін ойлап тапты. Бұл туралы Phys.org. сайтында жарияланды деп хабарлайды Elitar.kz.
Зерттеушілер адам жасушаларына оттек радикалдары мен басқа да реактивті заттардың пайда болуына ықпал ететін молекулалар қосты. Сонымен қатар, жасушалық дақылдардың ішіне биологиялық үйлесімді мономерлер енгізілді. Содан кейін дақылға ультракүлгін сәулемен әсер етіп, нәтижесінде бос радикалдар түзілді. Бос радикалдар мономерлермен кірігіп, олардан полимер түзілді.
Ғалымдар полимерлердің кейбірі флуоресцентті болды, нанобөлшектерді қалыптастырды және тіпті жасушалардың мінез-құлқы мен қозғалысын өзгертті дейді. Зерттеушілердің пікірінше, жұмыс нәтижелері химиялық биологияның жаңа саласын дамытуға көмектеседі. Сонымен қатар, олар полимерлердің жасушалық дақылдарға әсерін егжей-тегжейлі зерттеуді жоспарлап отыр.
