12 қараша, 15:23
Интернет дүкенінің сатып алушылары "Сүрбойдақтар" күнінде рекорд жаңартты.
Қытайлық интернет дүкені Alibaba «Сүр бойдақтар» күні тауар сатудан рекорд жаңартты. Интернет-ретейлер атаулы күні 30,8 млрд АҚШ доллары көлемінде пайда көрген деп хабарлайды Elitar.kz тілшісі CNBC-ге сілтеме жасап.
Жаңа рекорд өткен жылғыға қарағанда 27% ға жоғары. Алдыңғы жылы 11 қарашада 25,3 млрд АҚШ долларының тауары сатылған болатын.
Егер салыстыратын болсақ, АҚШ-та «қара жұма» күні мен «кибердүйсенбі» күндері онлайн сауда 11,6 млрд АҚШ долларын құраған.
Тауарды көп сатып алған елдер Жапония, АҚШ, Корея, Австралия, Германия, Ұлыбритания, Франция, Испания, Жаңа Зеландия, дәне Италия. Ал ең көп сатылған тауар Xiaomi, Apple және Dyson.
«Сүр бойдақтар» күнін жұбы жоқ азаматтар тойлап, бір біріне сыйлық жасауымен ерекшеленеді. Алғаш рет атаулы күнге арналған сауда-саттық көлемді түрде 2009 жылдың 11-қарашасында өткен еді. Бүгінде бұл мереке аспан асты елінде ғана атап өтілмейді. «Сүр бойдақтар» мерекесі әлем бойынша тойланып, АҚШ-та өткізілетін «қара жұма» күнінде жасалатын сауданы басып озды.
Фото: Sputnik Казахстан
