22 мамыр, 10:00
Cаябақта ойнап жүрген Нұр-Сұлтанның кішкентай тұрғынының суреті әйгілі Apple компаниясының желідегі парақшасынан бір-ақ шықты. Танымал америкалық компания қазақстандық фотографтың түсірген суретін өзінің Instagram парақшасында жариялаған деп хабарлайды Elitar.kz.
Фотода балақай субұрқақты безендіріп тұрған инсталяцияға шығып бара жатқаны бейнеленген.
Apple компаниясы Дархана Жағыпаровтың фотосы өз парақшасында жариялау үшін арнайы рұқсат сұраған.
"Біз бұл суретке ғашық болдық. Бұл фото біздің парақшамыздың таптырмас бөлшегі бола алатын еді", - деп жазған компания өкілдері.
Қазақстандық фотограф болса бұл күтпеген ұсыныс таңқалдырғанын жеткізді.
"Бүгін өзімді ерекше сезінуге мүмкіндік бергедеріңізге рақмет" , - деп жазды Дархан.
Фотосурет "Астана" атауымен жарияланған.
