Иордания ханзадасы, профессор Зейд Раад әл Хусейн АҚШ-та қазақ халқының салт-дәстүрі бойынша тұсау кесер рәсімін жасады деп хабарлайды Otyrar.kz-ке сілтеме жасай отырып Elitar.kz.
Шымкенттік Асма Қалыбекованың салт-дәстүрдімізге арналған кітабы Америкада тұсау кесер өткізуге себеп болды. Кітапта қазақтың рәсімі кеңінен әрі қызықты етіп суреттелгені соншалық, ханзада кітапты жата-жастана оқыған. Егер бір кездері Қазақстанға жолы түссе, кітап авторымен кездескісі келетінін де айтқан.
Асма Ахметқызы өз кітабын Америкадағы Колумбия университетінің магистранттарына, салт-дәстүрімізді сақтай жүрсін деп сыйға тартқан екен. Кітап Иордания ханзадасының қолына түскеннен кейін , ол тұсау кесер салтына қызығушылық танытып, барлық жоралғыларын сақтай отырып, рәсімді қазақы өрнекпен өткізген. Өзі қазақ қызының тұсауын кесіп берген.
Тұсау кесер рәсімі қазақтың көне ғұрыпы. Сәби тез жүріп кетсін деген ырыммен жасалады.
