Украина президенттігіне кандидат Владимир Зеленский дебатқа қатысуға шешім қабылдады. Бірақ ол дебатты ел Конституциясында жазылғаннан өзгеше өткізуге ұсыныс жасады.
Порошенконың дебатқа шақырған ролигін ол әлеуметтік желілерде жариялады. Зеленский дебаттардың шын мәнінде сайлаушылардың көз алдында өтетінін қалайтын сияқты. Сондықтан ол Порошенконы "Олимпийский" СК-не шақырған.
Порошенко бұл шақыруды назарсыз қалдырған жоқ. Алдымен оқырмандары арасында конституцияны бұзу керек пе, жоқ па деп сауал тастады. Конституция бойынша пікірталас өткізу ережелері нақты жазылған. Дебат сайлауға екі күн қалғанда телестудияда өтеді, барлық телеарналар арқылы көрсетіледі
Содан кейін ол да ролик-жауап жариялады. Видеоның сапасына қарап Порошенконың PR-қызметі аздап сүрінген сыңайлы, бұл үшін видеоны Зеленскийдің командасы түсірген роликтің сапасымен салыстыру жеткілікті.
Десе де Порошенконың бұл шақыртуды қабыл алғаны қуантады. Мұндай пікірталасты бақылау әдетте сайлаушылар мен көрермен үшін өте қызықты.
