Қол-аяқсыз, өкпе-бауырсыз қалай өмір сүруге болады?
Дені сау адамға бір мүшесінен айырылу қандай қиындықтар алып келетінін елестету қиын. Алайда, осындай қиын жағдайда да рухы мықты адамдар жетістіктерге жете алады. Біз сіздерге мүмкіндіктері шексіз танымал 5 тұлғаның тарихын ұсынамыз.
Рим
Папасы Франциск
Католик
шіркеуінің басшысы, Рим Папасы Францисктің
шын аты-жөні - Хорхе Марио Бергольо. Ол
1936 жылы 17 желтоқсанда Аргентина астанасы
Буэнос-Айресте дүниеге келді.
Жас кезінде инфекциядан оң жақ өкпесінің
бір бөлігінен айырылған.
Қазір
мұндай отаға басқа шара жоқ болған
жағдайларда ғана жүгінеді, бірақ
бұрындары антибиотиктер тапшы болған.
Сондықтан 60 жылдан астам уақыт бойы
понтифик жартылай өкпемен тыныс алды.
Осыған қарамастан, Франциск 2013 жылыдан
бері Папа қызметін мүлтіксіз атқарып
келеді. "Франциск" атын ол әулие
Франциск Ассизский және Франциск
Ксаверияның құрметіне алды.
Хизер
Миллс
Хизер Энн Миллс, кәсіпкер, вегетарианка және меценат, 1968 жылы 12 қаңтарда Англияда дүниеге келген. 1993 жылы сол уақытта модель болып жұмыс істеген қызды мотоцикл қағып кетті. Ол көптеген жарақаттар алды, дәрігерлерге тізеден төмен сол аяғын кесуге тура келді. Оған ұсынылған протездер өте нашар көрінді және Хизер ыңғайлы және әдемі протездерді әзірлеумен айналысты.
2000 жылы ол сэр Пол Маккартнимен танысып, 2002 жылы тұрмысқа шықты, ал 2003-да қызды болды. 2002 жылы телешоудың бірінде Хизер протезін алып, тележүргізуші Ларри Кингке көрсетті.
Кингтің сұрағына, Хизер протезіне байланысты ешқашан проблемалар болмағанын күле отырып жауап қатты. Пол да, басқа бойфрендтері де протезге мән бермей, кездескен соң бірден сөз салған.
Хизер
Энн Миллс шаңғымен жылдам жүгіруден
мүмкіндігі шектеулі адамдар арасында
рекорд иегері, 2015 жылы сағатына 166
километрге дейін жылдамдықты бағындырған.
Рик Аллен
Def Leppard рок тобының барабаншысы да жарымжан. 1984 жылы жарыста Рик Аллен рульді басқара алмай, қабырғаға соғылды. Ол соққыдан көліктен ұшып кетті. Осылайша қолынан айырылды. Оқиғадан кейін бірнеше күн комада болды, ал көзін ашқан соң достарына мәселенің шешімін тапқанын айтқан.
Вокалист Джо Эллиотт Рик дәрінің күшімен солай сөйлеп тұр деп шешті. Бірақ барабаншы өзіне сенімді еді және қалған үш саусағымен гибридті барабан қондырғысымен жұмыс істей бастады.
Ол достарының
алдында Led Zeppelin композициясын
орындады.
1986 жылдың ортасында Рик
Аллен сахнаға қайта оралды. Ол әлі де
Def Leppard барабаншысы.
Ник Вуйчич
Николас
Джеймс Вуйчич әлемдегі ең танымал
мүгедек. Ол Австралияда 1982 жылдың 4
желтоқсанында дүниеге келді және
туғаннан бері гендердің біріндегі
мутация салдарынан екі қол және екі
аяқсыз өмір сүруде.
Николас өзінің
жағдайына байланысты қатты уайымға
берілді, балалық шағында тіпті өзіне-өзі
қол жұмсағысы келді, бірақ ата-анасын
ойлап жаман ойдан бас тартты. Ол егер
Құдай солай жаратса бір жоспары бар
шығар деп шешті. 17 жасынан бастап
мотивациялық лекциялар оқып, кейін
қайырымдылықпен айналысты.
Николас
үйленген, оның төрт баласы бар; екі ұл
мен екі қыз. Ол көп саяхат жасайды және
кітаптар жазады.
Анджелина Джоли
Осы
тізімге енген өзге атақты адамдарға
қарағанда, Анджелина Джоли өз денесін
өзгерту туралы шешімді өзі қабылдады.
2013 жылы ол екі жақты мастэктомия
жасатқанын, атап айтқанда, екі кеудесін
де алдырып тастағанын айтты. Себебі
дәрігерлер оған сүт безі обырының жоғары
қаупі туралы ескерткен.
Актриса
бұл күрделі таңдау болғанын, бірақ
қазір ол балаларын жетім қалдырып, өліп
кетуден қорықпайтынын айтты. Ол сондай-ақ
өзін әлі де әйел ретінде сезінеді екен.
Анджелина Джолидің айтуынша, көптеген
әйелдер сүт безі обырының қаупі астында
өмір сүріп жатқандарын білмейді,
сондықтан ол өз тарихын жария етуден
бас тартпаған.
