«Център за борба с ръждата» қауымдастығы Facebook желісіндегі парақшасында күтпеген олжа жайлы хабарлама жасады. Иесіз қалған қоймалардың бірінен 1994 жылы шығарылған ондаған BMW 5 автокөлігі табылды. Белгілі болғаны, автокөліктердің барлығы жаңа, негізінен 520s үлгілі, дегенмен, арасында күштірек 525 көліктері де бар.
Кей көліктердің салонындағы пленка әлі алынбаған, ал бірер көліктің қаңқасы аздап майысқан. Тағы бір көлік бірде-бір шақырым жүрмеген.
Енді бұл көліктер аукционда сатылуы мүмкін. Әрқайсысының бағасы 15 000 евродан кем болмайды деп күтілуде.
Дегенмен, қолданатын жанармайдың сапа талабына сай келмеуіне және түтінімен ауаға зиянды қалдық көп бөлетіндіктен полиция бұл көліктерді тіркеуге алмауы да мүмкін.
