Әлемдегі ең үлкен еріннің иегері - 25 жастағы болгар қызы Андреа Иванова тағы бір рекорд - ұзын әрі өткір иек орнатуды көздеп отыр, деп хабарлайды Mirror.
"Әлемдегі ең үлкен еріндер менде және олар маған қатты ұнайды! Мен өзіме ең ұзын және ең өткір иек жасатып, жаңа рекорд орнатқым келеді", - деп бөлісті бойжеткен.
Болгарияның жас тұрғынының айтуынша, дәрігерлер қыздың сыртқы келбетіне жасалған жаңа тәжірибе өліммен аяқталуы мүмкін деп қауіптенуде. Дегенмен, Андреа бұл жоспардан бас тартуға себеп емес екеніне сенімді.
Ол үшін Bratz қуыршағы сұлулықтың өзіндік идеалына айналған. Оған ұқсау үшін қызға 30-ға жуық түрлі ота жасалған.
"Мен рекорд орнатуды армандайтыным сонша, соңына дейін күресемін. Мен тым алысқа кеттім және осының бәріне қанша ақша жұмсағанымды ойлағым да келмейді", - деп түйіндеді ол.
