Грузияда хризантеманың гүлденуі әрқашан мереке ретінде тойланады.
Қалыптасқан дәстүр бойынша күзгі гүлдер фестивалі Тбилиси ботаникалық бағында өтеді.
Биылғы жылы пандемиядан кейін алғаш рет шара тағы да гүлді өсімдіктерді жақсы көретін көптеген адамдардың басын біріктірді. Күз ханшайымы – хризантема гүлденуін тойлайды.
Осы демалыс күндері Тбилисидің Ботаникалық бағында күзгі гүлдердің 140-тан астам түрі өздерінің керемет әшекейлерін келушілерге паш етеді.
Хризантема шығыстан шыққан. Ол туралы алғашқы жазбалар біздің дәуірімізге дейінгі XV ғасырда кездеседі. Бұл гүл Грузияға төрт ғасыр бұрын келген.
Хризантема - ерекше өсімдік. Көптеген елдер хризантеманың әртүрлі жаңа түрлерін шығарумен айналысады. Мысалы, Жапонияда бұл культтік өсімдік. Хризантема сәндік гүл ретінде ғана емес, сонымен қатар медицина тұрғысынан да өте маңызды да пайдалы, сонымен қатар, ол тағамда деликатес ретінде қолданылады.
Гүлді композициялар жібек кілемдерді еске түсіреді: жайқалған түрлі түстер мен өрнектер. Қазір Тбилиси ботаникалық бағында хризантеманың 150-ден астам түрі өсіріледі.
Бұл жарқын көрмеге келушілер көп, олардың арасында гүл өсіруге құмар балалар да бар.
Хризантема күзгі гүл болып саналады және жарқыраған күн сәулесі сияқты, жаздың жаңғырығы айналаның бәрін нұрландырады, оның керемет сәніне тамсануға келгендердің жүзіне күлкі сыйлайды.
